freends everych oother moot obeye, if they wol longe holden compaignye

"For o thyng, sires, saufly dar I seye,
That freendes everych oother moot (must) obeye,
If they wol longe holden compaignye.
Love wol nat been constreyned by maistrye.
Whan maistrie comth, the God of Love anon
Beteth his wynges, and farewel, he is gon!
Love is a thyng as any spirit free.
Wommen, of kynde, desiren libertee,
And nat to been constreyned as a thral (slave);
And so doon men, if I sooth seyen shal.
Looke who that is moost pacient in love,
He is at his avantage al above.
Pacience is an heigh vertu, certeyn,
For it venquysseth, as thise clerkes seyn,
Thynges that rigour sholde nevere atteyne.
For every word men may nat chide or pleyne.
Lerneth to suffre, or elles, so moot I goon (I swear),

Ye shul it lerne, wher so ye wole or noon;
For in this world, certein, ther no wight is
That he ne dooth or seith somtyme amys.
Ire, siknesse, or constellacioun,
Wyn, wo, or chaungynge of complexioun
Causeth ful ofte to doon amys or speken.
On every wrong a man may nat be wreken (avenged).
After the tyme moste be temperaunce
To every wight (person) that kan on governaunce (knows about governance)."

[from Chaucher's The Canterbury Tales, The Franklin's Tale)